كل أحبك – فؤاد عبدالواحد

كل احبك قلتها لك لا حشا ماهي تسلي
ما اتسلّى بك و قلبي زاد في حبك مقرّه
كيف انا فيك اتسلّى و انت وجهك قبلةٍ لي
و الحكي منّك يداوي كل ضيق و كل حَرّه

والله ان العمر دونك ما بغيته دامك اللي:
يجهل هموم الليالي،و يبخص دروب المسره
والله اني يوم جيتك جيت شامخ و متعلي
ما تثاقلت الطريق ولا خشيت من المضره

قم و خل الليل يمضي بالسوالف والتجلي
لا تظن ولا تشك ولا تلوم ولا تشرّه
تدري انك من تبسّم كل خيرٍ يبتسم لي
و تصبح ايامي سلام و كل فرحه مستمره

ارفقي بي يالثواني و افرحي بي و اسفهلي
دام قلبي به غرامٍ يملي حدود المجره