غني يا قلبي – فريد الاطرش
غنّي غنّي
يا قلبي غني
اوصف له حبي
واحكي له عني
حبك هنايا و رضاك منايا
من كل قلبي بقول يا ربي تفضل معايا
غني يا قلبي
اللي مكتوب في جبينك مكتوب زيه على جبيني
والشوق اللي في عيونك أكتر منه في عيوني
حبيت الدنيا اكمن انك فيها
وان كانت فانية حا نعيش بعديها
من كتر حبي بيغني قلبي
ويقول ياريتك تستنى جنبي
غني يا قلبي
علشان روحي بتهواك خلتها ملك ايديك
عشان قلبي وياك أنا بحسد قلبي عليك
يا بخت قلبي ساكن في قلبك
يا بخت روحي عايشة في حبك
من كتر خوفي بيدق قلبي
هايم بيسأل ايه المخبي
غني يا قلبي
الحب ان كان مكتوم بيبان على نن العين
وهوانا ده كاس مقسوم علشنا احنا الاتنين
سارحين في لقانا ح نخاف من ايه
ومصيرنا معانا ما نخافش عليه
لو ان ذنبي انك في قلبي
علشان عيونك أحب ذنبي
غني يا قلبي
كلمات: انور عبدالله
ألحان: فريد الأطرش
1955
يا حليوة – فريد الاطرش