فارس وحيد جوه الدروع الحديد – صلاح جاهين

فارس وحيد جوه الدروع الحديد رفرف عليه عصفور وقال له نشيد منين .. منين.. و لفين لفين يا جدع قال من بعيد و لسه رايح بعيد عجبي

بحر الحياه مليان بغرقي الحياه – صلاح جاهين

بحر الحياه مليان بغرقي الحياه صرخت خش الموج في حلقي ملاه قارب نجاه .. صرخت قالوا مفيش غير بس هو الحب قارب نجاه عجبي

سمعت نقطة ميه جوه المحيط – صلاح جاهين

سمعت نقطة ميه جوه المحيـــــــط بتقول لنقطه ما تنزليش في الغويط أخاف عليكي م الغرق .. قلـــــت أنا ده اللي يخاف م الوعد يبقي عبيط عجبي

دخل الشتا وقفل البيبان ع البيوت – صلاح جاهين

دخل الشتا وقفل البيبان ع البـــيوت وجعل شعاع الشمس خيط عنكبوت وحاجات كتير بتموت في ليل الشــتا لكن حاجات أكتر بترفض تمــــــوت عجبي

دي مذكرات و كتبتها من سنين – صلاح جاهين

.. دي مذكرات و كتبتها من ســـــــــنين في نوتة زرقا لون بحور الحنيــــــــــــن عترت فيها .. رميتها في المهمـــــــلات وقلت صحيح أما صحيح كلام مخبولين عجبي

يا مشرط الجراح أمانة عليك – صلاح جاهين

يا مشرط الجراح أمانة علـــــــــــيك و انت ف حشايا تبص من حواليــك فيه نقطة سوده في قلبي بدأت تبان شيلها كمان .. و الفضل يرجع إليك عجبي

قلبي عليل يا ناس و في الكاس دواه – صلاح جاهين

قلبي عليل يا ناس و في الكاس دواه مديت له إيدي شربت م اللي حــــواه جنبي الشمال خف .. اليمين اتــــوجع و إيه يداوي الكبد م اللي كـــــــــــواه عجبي

تسلم يا غصن الخوخ يا عود الحطب – صلاح جاهين

تسلم يا غصن الخوخ يا عود الحطـــــــــب بييجي الربيع .. تطلـــــــــــع زهورك عجب و انا ليه بيمضـــــــــــي ربيع وييجي ربيع و لسه برضك قلــــــــــــــــــبي حتة خشب عجبي

كيف شفت قلبي و النبي يا طبيب – صلاح جاهين

كيف شفت قلبي و النبي يا طبيــــــــــــب همد و مات و الا سامع له دبيـــــــــــــب قاللي لقيته مختنق بالدمـــــــــــــــــــــوع و ما لوش دوا غير لمسه من إيد حبيب عجبي

أنا كنت شئ و صبحت شئ ثم شــئ – صلاح جاهين

أنا كنت شئ و صبحت شئ ثم شئ شوف ربنا .. قادرعلي كل شئ هز الشجر شواشيه و وشوشني قال : لابد ما يموت شئ عشان يحيا شئعجبي

جالك اوان وعرفت مشي الجنايز – صلاح جاهين

جالك اوان وعرفت مشي الجنايــــــــز كيف شفتها يا عبد رب اللذايــــــــــــذ قال : شفت شيل بالحيل فقير أو اميـــر كما شالوا في الخمامير فواضي القزايز عجبي

جالك أوان ووقفت موقف وجود – صلاح جاهين

جالك أوان ووقفت موقف وجـــود يا تجود بده يا قلبي يا بده تجــــود ما حد يقدر يبقي علي كل شـــــــئ مع إن – عجبي – كل شئ موجود عجبي

من بين شقوق الشيش و شقشقت لك – صلاح جاهين

من بين شقوق الشيش و شقشقت لك مع شهقة العصافير و زقزقـــــــت لك نهار جديد انا . . قوم نشوف نعــمليه انا قلت يا ح تقتلني .. يا ح اقــــــــتلك عجبي

إخطفني ياللي تحبني ع الحصان – صلاح جاهين

إخطفني ياللي تحبني ع الحصان الدنيا قالت يوم في ماضي الزمان إخطفني ياللي تحبني ع الـــــفرس الدنيا قالت .. قام خطفها الشيطان عجبي

رقاصه خرسا و رقصه من غير نغم – صلاح جاهين

رقاصه خرسا و رقصه من غير نغــم دنيا . . يا مين يصالحها قبل النـــــدم ساعتين تهز بوجههـــــــــــــــا يعنـي يترجرجوا نهديها يعني نعـــــــــــــــم عجبي

ما حد في الدنيا واخد جزاته – صلاح جاهين

ما حد في الدنيا واخد جزاتــــــــــــــــــه و لا حــــــــــــــــد بيفكر في غير لذاذاته ما تعرفيش يا حبيبتي .. أنا و انتي مين؟ إنتي عروس النيل … و أنا النيل بذاته عجبي

ياللي نصحت الناس بشرب النبيت – صلاح جاهين

ياللي نصحت الناس بشــــــــــــــرب النبيت مع بنت حلوه .. وعود ، وضحك ، وحديت مش كنت تنصحهم منين يكســــــــــــــــبوا تمن ده كله ؟ … و الا يمكن نســـــــــــيت عجبي

كروان جريح مضروب شعاع م القمر – صلاح جاهين

كروان جريح مضروب شعاع م القمر سقط من السموات فؤاده انكســـــــــر جريت عليه قطه علشان تبلعـــــــــــه أتاريه خيال شعراء و مالهـــــوش أثر عجبي