اجمل اللحظات – عبدالعزيز العليوي

لو يمر الوقت واتمر الليالي
اجمل اللحظات من عمري معاك
مابلغت من الهوى فيك اكتمالي
مايكفي عن كثر شوفك هواك

فيك ياخذني المدى لقصى شمالي
والجنوب بداخله لهفه لقاك
ياجهات العمر خذني لاتبالي
خذني من ادناك لين اخر مداك

يارفيق الدرب لاتطوي احبالي

جيتك من الأرض حبا في سماك
في بساتين الهوى جيتي قبالي
شدني في وسطها ريحه شذاك

وكل ما طل الفجر واجتاح شالي
فاح ذاك العود والخافق دعاك
ولو يمر العمر و اتمر الليالي
تكبر بصدري ويتكاثر غلاك