like-empty

كلمات

klmat.com

sun

ابي افهم

جديده لعبتك هذي رجوعك ليش ابي افهم
ترى ماجيت في وقتك أنا مو حاسب حسابك
نسيتك أو تناسيتك دخيل الله لا تهتم
وأبشرك وجه أحزاني ضحك لي وانقفل بابك

تصدق ماتت العشرة اردلك لا لا تتوهم
قريتك وإستفد قلبي من المضمون بكتابك
تعلم قلبي من إيدك على كل مامضى يندم
زرعتك شوق أتحرى حضورك وأثمر غيابك

تحملتك ولكنه جبرني الجرح أتكلم
خيانه شفتها منك عطرها تارس ثيابك
بنيتك حب في قلبي ولكن حظرتك تهدم
كرهتك حيل صدقني وكل هذا من أسبابك

تقول آسف حبيبي ما بقى بوجه التسامح دم
أسامح كل شي إلا الخيانه ونشوة إعجابك
أنا يا لك أجي واحد يساوي في عيونك كم
وإلا ما أجي عندك وأغير ناتج أحبابك

تجيني والندم واضح ولا أقدر اقولك سم
لأن الجرح من شافك تضايق قال وش جابك
وإذا تحسبني برجع لك بلاش تفكر وتحلم
لأني مو مثل أول أحقق رغبة أهدابك

قديمه لعبتك هذي وكفايه ما أبي أفهم
رجاء إبتعد عني أنا مو ناقص ألعابك
like-empty