يراودني شعور و ماعرفت القى له اي معنى
ما بين شلون وايه ولا ،تعبت وحارت افكاري

وصلت لمرحله اني احب كل شي يجمعنا
بنفس الوقت ماودي معك يطول مشواري

افكر فيك كل ليله، انام وبالصدر طعنه
اخاف ورغم خوفيّ منك عطيتك كل اسراريّ


حبيبي كل هذا الكون صحيح اليوم يجمعنا
ولكني اخاف بكرا تجي وماتسعك داريّ

احبك حب ورب البيت حلفت وربي يسمعنا
وواثق انك تحبنيّ تموت وتعرف اخباريّ

ولكن بالصدر غصه تكدرنا وتمنعنا
ياخوفي اكرهك في يوم انا والله مو داري