like-empty

كلمات

klmat.com

sun

يا وجهها

تدانت الشمس عقب اشراقها للغياب
وتشرع الصدر للضيقه وقال أرحبي
وصرت انظر الكون كله من ثقب عين داب
وقمت أصفق براحة إيديني في روس ركبي

سجيت وأنا أحسب إن مادمع عيني بصاب
والله ماوعاني الا حرته في شنبي
وسريت أدور من الضيقه لرحلة إياب
لرضاك يا إلي زعلك وضيقتك بسببي

رسايلك من ثمان أيام شك وعتاب
وعتابك وشكك أكثر مايزيد تعبي
تنامت الغيره وفكت على الشك باب
واستوطن الضيق في عينك ياعين الظبي

يا وجهها إلي لبسك الحزن لبس الثياب
قلي وش الحزن في ذيك الملامح يبي
لو الحزن يستحي من وجهها كان تاب
الحزن مايدري إن شكله عليها غبي

وإن دمعها لو يطيح تطيح دونه رقاب
ومايدري ان قلبها وصى عليه النبي
كان الفرح لي رفيق وبعد ماغاب غاب
صار يتحشد ماعاد يمر كنه أجنبي

وشلون أبقوى فراق أبو الوساع العذاب
وفراقه آمر من فرقا الأبو للصبي
حتى دموعه من مفارق عيونه تهاب
تنزل من عيونه الدمعه تقول تحبي

قولو له اني من مفارق عيونه مصاب
وان منزله في الحشا من جاء يبيه يهبي
وان في عيوني عن الخفرات غيره حجاب
لو ينقضون الشعور وينطلون العبي

واني ماخليت وقت للدعاء مستجاب
الا وفيه ارفع كفوفي وأبل هدبي
وقولو له إني في وجهه لا يطول الغياب
وانه من الحزن في وجهي وفي وجه ابي
like-empty

كلمات فهد بن فصلا

جاري التحميل...