دايم القلب وياكم والعين ترعاكم
كم تودت لرضاكم والنفس طماعه
جيت من ديرتي لجل السمر ساعه

بالقدم جيت لك ساعي ياحلولطباعي
من شغف قلب ملتاعي ماموربطاعه
‏جيت من ديرتي لجل السمر ساعة

انت تدري عن احوالي يالطيب الغالي
كلي وطموح وامالي وحلام بالساعه
‏جيت من ‏ديرتي لأجل السمر ساعة

صورتك ماتفارقني دايم ترافقني
‏منك الجرح ضايقني مقدر على أوجاعه
‏جيت من ديرتي لجل السمر ساعة

ياهوى البال لا تنسى ميناك والمرسى
قلب ضلى معك ومسى والود ماباعه
جيت من ديرتي لجل السمر ساعه

دام درب الهوى سالك لاتقطع ارسالك
ساند الحلم ‏بامآلك ياقف على ارباعه

جيت من ديرتي لجل السمر ساعه

فرصة العمر لا تفوتك يمطول اسكوتك
ماسمعنا ‏ ‏صدى صوتك وحظورك ارباعه
‏جيت ‏من ديرتي لجل السمر ساعة

شهر عدا وجاء الثاني ماعلمكم جاني
يمك الشوق يحداني يمنور القاعه
جيت من ديرتي لجل السمر ساعه

بيني وبينك موده يامطول الصده
للصبر زاد عن حده لاتأمن اوضاعه
جيت من ديرتي لجل السمر ساعه


طاير السعد يتجول في موطنه لأول
حيث صب المطر حول يسأل عن اتباعه
جيت من ديرتي لجل السمر ساعه

كان لك في هوانا شف هون جفاك وخف
كن لنا العادل المنصف من ظلم وقطاعه
جيت من ديرتي لجل السمر ساعه