يا كل عمري يا ابتهاجي يا فرحي
يا من نبض لاجله خفوقي بالاضلاع
فيه المشاعر فاقت احساس شرحي
ولا كان مثله أي شبيهٍ بالاطباع

انتي الهنا يا جود وانتي مناتي
زانت بقربك ياحياتي حياتي
خلك هنا دامك لقلبي وصاتي
يشفي لقاها خافق بات ملتاع

في القلب لك دار وفي العين مقدار
زادت غلاتك والوفا زاد مقدار

يافارس الخافق ترى خافقي صار
هايم في حبك دون تبرير واقناع

يادرة أهلك لك مقام ومكانه
في القلب صانك واحتواك بحنانه
يحفظك ربي في عيونه أمانه
منك المشاعر صيتها بخافقي شاع

جعل السعادة فدربهم والفرح دام
لهفة قلوبٍ تغمر أعوام وأعوام
ويحقق أجمل ما تصورها الأحلام
دام الأماني لأمركم دوم تنصاع