يا كاسر الخاطر – علي عرنوص

مبين على عيوني
متأذي ومفارگ
چان القلب عاشگ
واحد ميفهمني
من عندة حارمني
وبالعشرة ظالمني
وجروحة تلچمني راح ومشى
اتمنى هسة يعود
دمعي مخلة خدود
ايامي ظلمة وسود
واحتاجة يمي
كل ذكرياتي وياه
عودني مانساه
ماصبر بلياه
موتني همي
سمعيني ياروحي بس الله وياية
محد درة بدمعي ماحمل حچاية

ياكاسر الخاطر

ارحم شخص حبك
يفهم شكو بقلبك
الغيبة هدتني
موتني حرمانك
بچاني نسيانك
يل سولتي احضانك وين الوفا
الوحدي اظل يرضيك
مو بالنفس شاريك
اني اللي ماناسيك
بس بطل اعناد
اسمك اذا ينجاب
اركض ركض ع الباب
ماباقي عندي اعصاب
واتحمل ابعاد
سمعيني ياروحي بس الله وياية
محد درة بدمعي ماحمل حچاية