يا عسل – منى امرشا

مقبوله منك يا عسل .. ماودي ابداها بزعل

موقف ولا تعيده ابد .. علي لا تسوي بطل

اخذ معك واعطي عطا .. بس انتبه إلا الخطأ

اشياء نعالجها وتمر .. واشياء ابد مافيها حل

اول خطأ يمكن يمر .. والثاني اصبر ما يضر

والثالثه بس ثابته .. انت با حب مالك امل

اسمع وخذ مني كلام .. قبل المحبه الإحترام

والي كتب في قلوبنا .. لو ماتفاهمنا رحل

تاخذني بحب وحنان .. وتردني بزلة لسان

صارحني ايش حكايتك .. ولوين احساسك وصل

اصابعك ماهي سوى .. ولكل واحد ما نوى

مو كل طير بتاكله .. والريح ماتهز الجبل