يا صاحبي – عبدالمجيد عبدالله
مجيد : يا صاحبي وش فيك قاعد لحالك .. ليش انت متغير ومشغول بالك ؟
صارحني قاسمني عناك وهمومك .. ما أطيق أشوفك متعب الهم حالك .
راشد : يا صاحبي ضاقت علىّ الليالي .. باللي شغل قلبي وفكري وبالي
.. خوفي أسولف وأخسر انسان غالي ، يا أخسرك او أخسر اللي في بالك .
مجيد: يا صاحبي وش فيك ؟
راشد: يا صاحبي مهموم ,
مجيد: ما أطيق أشوفك متعب الهم حالك .
مجيد: حيرتني واحترت باللي تقوله .. وان كان عندك سر بالله قوله ..
ما عاش من يخسر غلاك بسهوله ، ولا عاش من يقطع بعمره وصالك .
راشد : خايف أقول وأصدم احساس قلبك .. واحد لعب بي في الغرام ولعب بك
.. هو حبني وانت تفكر يحبك ، لا هو وفا لحبي ولا هو وفا لك .
مجيد: يا صاحبي وش فيك ؟
راشد : يا صاحبي تعبان ,
مجيد: ما أطيق أشوفك متعب الهم حالك .
مجيد: يعني أنا وانت بهالحب ضعنا ! واللي نحبه يا حسافه خدعنا ..
راشد : هذا الذي هو صار بينك وبيني .. وأسهر عيونك في غرامه وعيني ..
كلمة أحبك اللي تجي لك تجي لي والشوق نفس الشوق جاني وجالك .
مجيد: يا صاحبي وش فيك ؟
راشد : والله تعباان ,
مجيد: ما أطيق أشوفك متعب الهم حالك .
مجيد: يا صاحبي مهما تكون الحقيقه .. أو تشتعل بالقلب مية حريقه ..
أنا من اللي صعب يخسر رفيقه ، لجل المحبه او أبدل بدالك .
راشد : وأنا من أجل الحب ما أخسر رفيقي .. ولا أغير عن طريقه طريقي
.. واللي جمعني معك حب حقيقي ، لك ما تبي حتى حياتي فدالك
مجيد: يا صاحبي وش فيك ؟
راشد : لا لا لا يهمك ,
مجيد: ما أطيق أشوفك متعب الهم حالك
جيت ابزعل عليك – عبدالمجيد عبدالله