يا خسارة الرحله – مصطفى كامل

ياخسارة الرحله

اللى خادتنى … واللى نادتنى … واللى ياريتنى

ماكنت مشيتها

رحلة..المى … رحلة..ندمى … رحلة جرح

معاك قضيتها

ياخسارة الرحله … ياخسارة الرحله … ياخسارة الرحله

كنت شارب ويل وهم … نار وحزن..جرح مايتلم

والألام والخوف صحابى

انت جيت نسيتنى جرحى … اه عرفته..دقت وياك فرحى

وابتدا يرجع شبابى

وابتدا الورد اللى كان دبلان وكان ارب يموت … يصحا تانى

والتئاك قلبى اللى عاش بجروح وراح يرسم خيوط … الحلم تانى

ده حرام عليك قلبى … وحرام عليك حبى

حرام عليك انسان … حب ومابعش وخان

انا اشوف الام منك … انا ادوق عذاب منك

واشرب حنين مسموم … وارجع حزين مهموم

طب ليه..ليه

ده انا كل كلمة حب طلعت..من شفايفى جد … ليه شفت منك نار واسوه..ماشوفتهاش من حد

سودت ليه الدنيا فى عينيا … وانا كنت فاكر دنيتى بتحلى

ياخسارة الرحله … ياخسارة الرحله … ياخسارة الرحله

يا خسارة الرحله

الف ليل عايشين فى جنه … شوق وحب..كل يوم بتمنى

انك انت تكون نصيبى

الف ليل وانا اقول لقمرى … لالا والله..والله ماحس بعمرى

الا وانا ويا حبيبى

كان ماليش ويا الزمان احلام ولا ليا حبيب … الا انت

كان ماليش نفس لهوا الأيام طول مانا مش قريب … منك انت

انا هان عليك قلبى … انا هان عليك حبى

هانت عليك ايام … كانوا مليانين احلام

انا اضيع وانا فأيدك … انا اضيع انا بأيدك

وقادر تكون جلاد … ونارى فأيديك تنئاد

طب ليه..ليه

ده انا كل كلمة حب طلعت..من شفايفى جد … ليه شوفت منك نار واسوه..ماشوفتهاش من حد

سودت ليه الدنيا فى عينيا … وانا كنت فاكر دنيتى بتحلى

ياخسارة الرحله … ياخسارة الرحله … ياخسارة الرحله