جاهل نفورك ممزوج بالحنان
طرفك فطرة فاتر وسهامك سُنان
حين ما نظرت خدك لي قدت العنان
من نظراتك صرت زي شارب الدِنان
أطفي لهيب جواي ياحور الجنان
وليك ضحية دمي خضبه البنان
في الليل المعتم محياك بدري بان
لونك زاهي أسمر وقامتك غصن بان
أردافك بخصرك ياحبيب لاعبان
وقدام ناعساتك الفارس جبان
أنا في أوصاف محاسنك سجلت الرهان
وكل عزيز لعزك يا مصيون مهان
البدرين وخدودك هم متشابهان
وقلبك لي قاسي وكيف ليك موتي هان
يا كروان ترنم بي صوت الكمان
وشوف محبوبي باسم بالدر ما جُمان
بهواك يا نعيمي وخائف من زمان
عارفك يالمدلل ما عندك أمان
مالو حبيبي قلبك لو كان لي لان
وشاف تعذيب فؤادي البي حُبك مَلان
الناس عرفوا حبي في السر والعلن
بس ما عرفوا إسمك يالإسمك فلانة