يامجرمة – نادر الشراري
مجيك داهم الباب المسكر .. وانكسر قفله
عطيني فرصه استجمع قوايه واخذ انفاسي
على غفلة تركتيني .. وجيتيني على غفله
حزن مدري فرح مدري وش اللي لخبط احساسي
تبين اعلن مراسيم العزا والا اعلن الحفلة ؟
تغليتي تماديتي ثنيتي عزمي وباسي
وانا حالي من اللي جاه يرثى له ويوسف له
يقولون المولع مستعد .. يحرك الراسي
لو يهوز الجبال الراسيه يمكن تزحف له !
وانا ما ايست منك الا بعد ما طحت متواسي
على سكة غرامٍ مالها مطلع ولاقفله
عرفت من الغياب ان الظروف تلين القاسي
مع اني ماعرفت ال طبعك ولاني بعارف له
على شانك تطيح ادموعي وياقف شعر راسي
قسم بالله لو دمعك يطيح اني ل اوقف له !
ورا ما خفتي الله في حزينٍ ماله امواسي
يدور من يهدي .. روعته .. والا يسولف له !
سرقتي ضحكتي يا مجرمة واغتلتي انعاسي
هذا وجه آدمية مجرمة .. والا وجه طفلة ؟
لا يوجد تعليقات حالياً