يالله ياللي من ترجاك – فهد بن سعيد
يالله ياللى من ترجاك ماخاب
يامن عليه اشكي مشاكل حياتي
افرج لمن هو من الغرابيل ما طاب
دايم عيونه بالخفى ساهراتي
البارحه ممسيت والدمع سكّاب
يحرم على عيني لذيذ المباتي
عزّي لمن مثلي عن حبيّبه غاب
مالوم من يشكي حبيبه سواتي
انا وان شكيته عند ربعي والاصحاب
وان جيت ابسكت ما قويت السكاتي
شعلٍ عيونه تطلق سهوم وحراب
وسنه ما غير اربع وعشر سنواتي
له مبسمٍ كن العسل داخله ذاب
وريقه دواء لجروحي الخافياتي
حبه مكن بالقلب ماني بكذاب
واعز الله اني منه قربت وفاتي
انا جريح القلب والزين الاسباب
وارجي عسى المعبود يحسن مماتي
لا يوجد تعليقات حالياً