ولاهم يحزنون
مايهمني عادي خون
أصلاً انته من تكون
كافي من كل شي كافي
بعد لا عشره ولاهم يحزنون

ما لقيت أحد يصون
ومحد يحب ابجنون
ليش أنا أتعب وأعاني
بعد لا عشره ولاهم يحزنون

تعّبوني إللي أحبهم
والمواقف إكشفتهم
الليالي غيّرتهم
وصرت أحس إني عليهم ما أمون
بعد لا عشره ولاهم يحزنون

حتى انته ضدّي واقف
وصرت لي مصدر تعب
قبل لا تقول أنا آسف
إرجع إتعلم أدب
ضج ماتوا اللي كانوا يستحون

ما ألف ولا أدور
لي كيان ولي حضور
يا أكون أو لا أكون
بعد لا عشره ولاهم يحزنون

عايش وطيبه الامور
إي حلو هذا الشعور
روحوا عنّي لاتجون
بعد لا عشره ولاهم يحزنون

كنت مخدوع بهواكم
همّي كلّه من وراكم
طاح من عيني غلاكم
كنتوا أزمه وآخر الأزمه تهون
بعد لا عشره ولاهم يحزنون

لحد ايفكر بدونه
راح اموت من القهر
يروح واحد يجي غيره
الدنيا مليانه بشر
صار لازم من حياتي تختفون
بعد لا عشره ولاهم يحزنون