like-empty

كلمات

klmat.com

sun

وضعي الله لا يوريك

على وين ياللي تو ماقر قلبي فيك
ماصدقت أشوفك بعد ماطول غيابك

أنا في غيابك وضعي الله لايوريك
هموم وسهر وآلام وجروح بسبابك

خذ إيديني اللي فاقده راحتين إيديك
ذبحني الحنين ال مسة إيديك واهدابك

لاتبطي وتترك ريحة ثيابك وطاريك
ترى اللي تحز بخاطري ريحة ثيابك

وش أبغى من الدنيا لو أنك تجي وأجيك
وأضمك وأقبل وجنتك واتلوى بك

لاتهملني وتقسى علي جعلني ما أبكيك
أنا المزعج اللي مايهدونه الا بك

أحبك ومن حبك وأنا في المنام أدعيك
ولا مرني طاريك قمت أتحفابك

تجيبك هبوب الشوق في البال توديك
ولانمت تهجدني ملامحك وأصحى بك

يصحيني طيفك مثل ماخوفك يصحيك
ورى طيفك اللي جاب طاريك ماجابك

أي والله أحبك وأتمناك وأدريك
من الكلمه اللي وقعها يحرق أعصابك

وأحب الدروب اللي وطت فوقها رجليك
لاتستغرب أن قلت أعشقك وأعشق ترابك

حبيبي فداك العمر كله ولا يكفيك
وش العمر لاعشت أجمله فاقد أحبابك

أنا ماشعرت بلذة الحب قبل أغليك
ولا زانت الدنيا معي قبل ما احضابك

صدوف الحياه ولوعة الفقد والتشكيك
تراني بعد ربي عليها أتقوى بك

لو تطلب عيوني جتك هذي قبل هذيك
لكن لايقفي فيك غيري وأنا أولى بك
like-empty

كلمات عبدالله ال مخلص

جاري التحميل...