أهلي وصوني أخدم حسين وعباس
وآنا بعيوني شايل الخدمة يا ناس
فدوه سمعوني أهلي وصوني

لخدمة احسين نذرت آنه عمري
ودمعي كل يوم على امصابه يجري

خادم احسين شرف ما وصلته هذا تشريف من الزهره نلته
خدمته تاج على راسي شلته اسمه نبراس بديه حملته

بالمواكب أضل والمجالس
قدوتي جون وعباس وعابس

عبده يدريني عايش ابهذا الإحساس
دنيتي وديني خدمة احسيني

قلبي مفتون في حب المآتم
أفتخر دوم يسموني خادم


خل يلومون دليلي اعلى حبه آنه للموت أظل اعلى دربه
أقضي يا ريت أنا عمري قربه بعده والله على قلبي غربه

لا تسئلون على سر هيامي
فطرة الله جنوني بإمامي

أحمل ابيدي راية الخدمة نبراس
أمشي مشايه وبيدي هالرايه

لا تگولون على الخدمه کلمه
حتى جبريل تشرف يخدمه

أمشي مشاي لقبره أطوفه أخدم ابشوق في سفرة ضيوفه
ابخدمته آنه روحي شغوفه قلبي والله أبد ما يعوفه

هذا مولاي سفينة نجاتي
وآنه ممنون إله ابكل حياتي

حقي أتباهى ابخدمته رافع الراس
أفتخر باسمه واعشق الخدمة