والله ودارت الدنيا – مزعل فرحان

والله ودارت الدنيا وبرجلك انتي جيتيني

تكحل عينك دموعك بقايا وردة ذبلانه

بعد ما خانتك دنياك مع غيري ذكرتيني

رجعتي لي تصحين الجروح بيابس أغصانه

تقولين بألم تكفى رجيتك لا تخليني

جرحتك ادري وخنتك جيت اليوم ندمانه

أبي منك تسامحني تضم أيديك بيديني

أبي قلبك يصافحني وياخذ قلبي بأحضانه

ترى مالي بعد ربي بشر غيرك يواسيني

يضم القلب في صدره ويمسح دمعة أحزانه

تبين الصدق أحسب جيتك لي تعزيني

في موت أعظم مشاعر طاهره خانتها إنسانه

صحيح أني أنا عايش ولكن بينك وبيني

أنا ميت نعم ميت أعيش بروح بهتانه

لأنك يوم خنتيني في غدرك ذبحتيني

تيممتك وصليتك وعزى القلب وجدانه

+1