هل دمعي – سلامة العبدالله
هل دمعي على خدي نهار الوداع
يوم قالوا فمان الله جاني بلاي
التفت والتحضني بالعيون الوساع
وارسل الدمعه الي زاد منها عناي
خايفً من فراقٍ ماوراه اجتماع
يالله اليوم لاتقطع رجاه ورجاي
طاحت اقدام رجلي في محلي ذراع
ماقدرالمشي قدام ولا ارجع وراي
صرت مثل الغرير الي بسن الرضاع
اتضيم واصيح صياح من غير راي
جعل من لاع قلبي في فراقه يلاع
حيث وصله هوى قلبي وغاية مناي
اتصبر ولا ودي يطول النزاع
واكتم الغيض باسبابك وهذا جزاي
الهوى له يذل القلب لوهو شجاع
مثل ماردني ترف القدم عن هواي
خايف السر من بيني وبينه يشاع
ثم تدري الخلايق عن خفاه وخفاي
المصيبه ان كان الود والعرف ضاع
ثم زادت شجوني من خلايف خلاي
لا يوجد تعليقات حالياً