إذا مدحته قال لا تمدحوني
ماني من اللي يستحقون الإعجاب
يقول بس الزين فيني عيوني
وقول أنا هذا بلا ابوك ياعقاب


شوفوه بعيوني قبِل تعذلوني
شوفوا حبيبي ماهو بمثل الاحباب
ترضون ولا كيفكم تِزعِلوني
انا حبيبي ِسيد تَلعات الارقاب


ياناس خلوني معه واتركوني
محدٍ يعوضني غيابه الي غاب
اغليه بس شلون لا تنشدوني
الحِب من ربي يجي ما له اسباب

مافيه مثله بالبشر صدقوني
مزيون متواضع وطيب وجذاب
يقول بس الزين فيني عيوني
واقول انا هذا بلا ابوك ياعقاب