هدي هدي – محمد عبدالمطلب

هدّي يا حلو ما تهدّي خد مننا وادّي

بتخبي ليه ضحكتك وتمدّ وتعدّي

هدّي

رمشك يجيب الهوى للقلب لو خالي

والنظرة منك دوا لكن دوا غالي

سرق النسيم رقتك سلّم على قلبي

بتخبي ليه ضحكتك وتمد وتعدّي هدي

بينك وبين الجمال في كل يوم سيرة

يوشوشك يا غزال وسابني للحيرة

أطلب أنا محبتك ما تشتري ودّي

بتخبي ليه ضحتك وتمد وتعدّّي

هدّي

وردك يا جار الهنا فتّح على سهوة

كان في الغصون من سنة لا يميل ولا يهوى

واهو طل من جنتك وجار على وردي

بتخبي ليه ضحتك وتمد وتعدّي

هدّي

 

0

كلمات: عبدالفتاح مصطفى

ألحان: عبدالعظيم عبدالحق