نفسي – سعد علوش

البارحه سافرت نفسي الى نفسي
ولقيت اشياء واجد كنت فاقدها

طفولتي يومني ماكنت اعرف اقسي
واسماء واجد لنآس الوقت بعدّها

وتمردي واغنياتي وطيشي وحدسي
واول حبيبه ابيضها واسودها

مدري تذكرني الحين اوني منسي
او تحسب اني بكل اشعاري اقصدها

بس الاكيد انها شافتني بصور عرسي
الشهره احيان تجرحها وتسعدها

ياليت بكراي ياخذني الى امسي
وياليت الاشياء لا راحت نجددها

انا اعذر الانبساط اليا جفا نفسي
الاشياء تفقد غلاها من تعددها

0