مها – سعد علوش

اخر حركات التغنج و الهنا
اللي اسمها مها و بالدلع مهاو

فرفورةٍ تسّلف الشمس السنا
مغويةٍ و يطرد سراها كل غاو

إن وقفت كل شي متباعد دنا
و إذا مشت كل شي متلخبط تساو

و اليا مشت قال النمل الله لنا
تقاو يا صبري على جوعي تقاو

ذروة ترف ذروة غنج ذروة هنا
جمال ما يستوعب و ما ينتقاو

مخلوق لا من انثنى يعني انثنى
كل الزوايا تستقيم اليا تزاو

في جنبها ساره و عبير و منى
شباب و عند البل و كشختهم فراو

يا بوي شي لا يوصف ولا ينجنا
يسبب إلك جروح لا يمكن تداو

مثال: إذا جاعت و طال بها العنا
كل الحلاو اللي على هالأرض جاو

هي جايعه ؟ يا رب تاكلني انا
هذه سواليف الحلاو مع الحلاو

و إذا خذت اطرف حلاوه من هنا
كل الحلاو يشوفها و يقول واو

+1