من عانده وقته – الشيلات

ماهو صحيح القلب للقلب شاهد
لو هو صحيح اصبحت مفتون فيني
بيني وبينك حب من قلب واحد
ليته يجيك من الهوى مايجيني

و ليتك تعرف الشوق لي صار واجد
وليتك تعرف أوجاع كثر الحنين
ماقد شكيت الحر والجو بارد
ولا سهرت بليل طول السنين

ولا مشيت العمر والحظ قاعد
ولا تحديت الألم والونين
اضحك وأنا لجروح الاحباب جاحد
أداري المكنون عن كل عين

ماودي أفرح على القلب حاسد
والا عذابي في عيوني يبين
شئ يهون و شئ بالحيل كــايد
يا كـــود تجريح الخــفوق الحزين

من عانده وقته وقلبه يعاند
مالت بـه الدنيا يســار و يمين
غرتني أمثال العرب بالشواهد
يبيك قلبي وأحسب أنك تبيني

أداء: ناجي بن باصم