منبع الثلج – عزازي
يامنبع الثلج كيف تصب لي جمره .. وأنت السحايب بكفك والضما فيني
ياشين هالليل كنه طايل عمره .. أحس وجهه تعلق في شرايني
من حجة العام جرحي ماقويت امره .. لاقلت هانت رفع صوته يناديني
والبارحه من طعونك كانت السمره .. مابين نزف القصيد وفركةايديني
اذكرك كان الغلا فنجال مع تمره .. أيام تقدع غلاك ومجلسك عيني
تضحك وانا في سعادة غامرة غمرة .. تحكي واقول الغلا جاني يواسيني
ومن الخجل لا نظرتك تشتعل حمرة .. كنك شربت الزمان اللي يبكيني
عزاي في وقتي اللي فاتني أمره .. أني الى الحين مالي من يعزيني
لا يوجد تعليقات حالياً