مع السلامه والليالي لها دور
مع السلامه وش بقى ماكرهته
كرهت اقول اني بهالحال مسرور
وانا وربي كارهه ما احتملته
قد قلت للغربال ماتقدر النور
والبحر مايدري وش اللي حذفته
لو تحتبس هالريح او تنبت البور
مايفهم الجاهل وش اللي ذكرته

وادع ولاهمك خطاهم ومعذور
والكسر وان طال الزمن ماجبرته
لاتلعن الحارس ولاتلعن السور
بس العن دروبك وبابٍ طرقته
كم جرح غالي داخل الصدر مقبور
ياما بكيته فـ الليالي وزرته
وياكثر مافي قلبي احساس وشعور
ينسف ملامح دنيتي لو كتمته