متفارقين وبعيد عن بعض احنا الاتنين
وتعبنا البعد بقاله سنين
بنكابر ليه وبنعمل فيها أننا ناسيين

والحقيقة أن كل ذكرى حلوة عيشنا فيها
لسه بندور عليها في الأماكن والأغاني
نفسنا نرجعها تاني ومش عارفين
والحقيقة أن كل حد فينا عاش حياته
بين دموعه وبين آهاته
والمواقف قاسية جدا
احنا عايشين بس فعلاً مش عايشين


متضايقين هو الفراق كان ريح مين
والعند اهو شوف وصلنا لفين
واللي يشوفنا يفكرنا ان احنا اتنين قاسيين

والحقيقة ان كل ذكرى حلوة عيشنا فيها
لسه بندور عليها في الأماكن والأغاني
نفسنا نرجعها تاني ومش عارفين
والحقيقة ان كل حد فينا عاش حياته
بين دموعه وبين آهاته
والمواقف قاسية جداً
احنا عايشين بس فعلاً مش عايشين