مستمر الحب وفرحه مستمرّه
من لقيتك ما لقيت إلا المسرّة
عشت قربك أحلى أيام وليالي
شفت عقبك الحياة المستقرّة

مرّت سنين العمر وإنتي هناها
كل همّي راحتك وأسعى وراها
عيني بعدك ما تحب إلا عيونك
حتى روحك ما يحب قلبي سواها


تسعدين الروح وفيك أشياء كثيره
ومنك ترضيني التفاصيل الصغيرة
اكتفى قلبي ولا يرضيه غيرك
وأنا في دنياي تكفيني أميره

يا بخت عيني ولا شافت قصورك
يا حلو ملقاك ويا محلى حضورك
يا هوى قلبي ويا صبحه ونهاره
الله لا يحرمني من شوفك ونورك