like-empty

كلمات

klmat.com

sun
امسافرات اعيوني والمرسه دمع
امسافرات اوجرحي صوته ينسمع
غار گلبي احسين بيه مثل الحمامه
اندعيله ايروح ويرد بالسلامه امسافرات

لحسين ينبض هالگلب صوره ابسواد اعيوني
مرسومه من دمع النظر اوساكن خيال اظنوني
يلماخذ ابجنح السفر عمري اوحياتي اولوني
يوميه جرحي اولوعتي من أصفن ايسألوني

امساهرات جرحي والصفنه سوه
امساهرات اومختنگ حتى الهوه
جفني بعد الغالي يا ليل الينامه
اندعيله ايروح ويرد بالسلامه امسافرات

إخذني وياچن جرح ابطرف العبايه اخذني
اوخلني لومرت شمس في اوستر خلني
إخذني تربه اومسبحه امن اتصلن اتشوفني
إقرني ببيات الدعه ابخيمة احسين اقرني

ياهواي لو مشيتن أختنگ
ياهواي اوشمعه منسيه احترگ
الندبه يقره الغايبه جفني ابمنامه
اندعيله ايروح ويرد بالسلامه امسافرات

صح آني عندي أربعه اولو راحو ايعذبونه
گلبي أوعله نار الهجر والموعد ايخلونه
صح الربه ايلوع تره واليسهر ايجازونه
وحسين ولدي الأربعه كلهم فده لعيونه

امعلمات اعيوني بس تنظر إله
امعلمات لو رجع تتأمله
احسين غالي اوبالجفن تارك علامه
اندعيله ايروح ويرد بالسلامه امسافرات

لمن ترجعن من بعد اوتحچلي يا يمه اشصار
ما أسأل اعله الأربعه اعله احسين أريدن أخبار
لتگولن احترگت خيم اونركض صفينه اعله النار
والسوط المصوب متن عالمتن تارك تذكار

امناطرات اعيوني من عدچن حچي
امناطرات اوراح اموت امن البچي
رايده تحچلي بحسين اوكلامه
اندعيله ايروح ويرد بالسلامه امسافرات
like-empty

كلمات الشيخ حسين الأكرف

جاري التحميل...