اللي خوفت يوم اني اعيش بعديه
النهاردة خايف تشوفني عينيه
بخاف لو صدفة يوم عدى
يشوفني بموت من الوحدة
بعد قلبه ما راح

كنت ناوي اعيشله لسنين قدام
غاب وسابني خايف من الأيام
مشافش الدنيا غير جنبي
ويوم ما كسر .. كسر قلبي
واتمليت بجراح

واستنيته يرجع مرجعليش
وحايلت العمر يفوت مرضيش
انا قلبي معايا وروحي معاه
فلا مني بموت ولا عارف أعيش
واستنيته يرجع مرجعليش
وحايلت العمر يفوت مرضيش
انا قلبي معايا وروحي معاه
فلا مني بموت ولا عارف أعيش


عمر يوم ما في عين شافتنا اتنين
والنهاردة راح فين وروحت أنا فين
وبعد ما قولت عوضني
عن اللي زمان سنين فاتني
فجأة ملقيتهوش

قولنا بيننا حلم وحياة وبيوت
قولنا مش هيبعدنا غير الموت
آدية بغيابه موتني
وعيني شافتني ولاقيتني
حد معرفهوش

واستنيته يرجع مرجعليش
وحايلت العمر يفوت مرضيش
انا قلبي معايا وروحي معاه
فلا مني بموت ولا عارف أعيش
واستنيته يرجع مرجعليش
وحايلت العمر يفوت مرضيش
انا قلبي معايا وروحي معاه
فلا مني بموت ولا عارف أعيش