مثل الوردة – وسام المهندس

لتگول بغيابك متت
هذا انته مثل الورده
طبعاً ميشعر بفراگ
الغير واحد عنده
يعني انته كل هالمده
عايف حبيبك وحده
الخليت دمعه بخده

خير اشعجب مفتقده
الطحت من عيونه
بهاي البساطه اترده
تگدر تلمه ابأيدك
الماي من يتبده

اغلى من روحي جنت ما أنكر
جنت گلبي وهسه كلشي اتغير
اجيتني بس ابوكت متأخر

ماريد تسأل عني
خليك عايف حضني
مافيدك اني اعذرني
راحت عليك افهمني
تقبلهه انزل نفسي
واشتاگ للبايعني
صدگني ماراح أرجع
أحبك اكثر مني

انته مو مثلي ولا تشبهني
انته واحد سوه نفسه يحبني
لاتضن افراگك ايتعبني
أكو الله وهوه اليعوضني