مانيب ند لك ولا انتا بنِدّي
أنا حبيبك يا حبيبي بلا شك
هذا الزعل طوّل ولا عاد يمدي
تْعِبْت أنا من كثْر ألمِّح و أحتَك

ودي انتصافى الوِد ودّك و ودّي
ما ودي ازعجْ لا وَلَا الباب ينصَك
المِشكلة لاشي وَلَا هيب تِجْدي
كَبْرَت وفاقت بيننا بخانة اليَك

يكْفِي جَرَحنا بعْض والهم يِردي
يكفي العمر ضايع و هالهمّ مصطك
كلٍ قِسى و اغتر وكلّه يعدّي
كلّه يعدّي إيه يبغى لها (تَك)

عيبٍ علينا اليوم نِقسى ونِبدي
حقٍ علينا نِكْسِر القِفْل ينفك

حقّك أطيّب خاطِرِك دون رشدي
ومن عقْبها أمْرٍ على الرب ينرَك

ودي انتصافى الوِد ودّك و ودّي
ما ودي ازعجْ لا وَلَا الباب ينصَك
المِشكلة لاشي وَلَا هيب تِجْدي
كَبْرَت وفاقت بيننا بخانة اليَك

اللي جرى مكتوب وربّك يقدّي
هقواتي بعطفك وطِيبك هقى بَك
مانيب ندٍ لك ولا انتا بندّي
أنا حبيبك يا حبيبي بلا شك

مانيب ند لك ولا انتا بنِدّي
أنا حبيبك يا حبيبي بلا شك
هذا الزعل طوّل ولا عاد يمدي
تْعِبْت أنا من كثْر ألمِّح و أحتَك