ماتفوتنيش انا وحدي – سيد مكاوي
وحياتك يا حبيبي ريح قلبي معاك
غلب الحب معاي وتعب الشوق وياك
ماتفوتنيش انا وحدي افضل احايل بيك
ماتخليش الدنيا تلعب بيا و بيك
خلي شوية علي وشوية عليك
عمر هوانا بيجري بيجري شوف راح من كام
ساعة شوق ومحبة وشهر بعاد وخصام
ويبقي الحب تايه مش عارف احنا فين
زي المركب ماتبقى محتارة بين شطين
لكن لامتي يا عيوني انت نبقي حبايب
ومش حبايب لحد امتى
وارجع تاني اقول لك ريحني الله يخليك
عشان المركب تقدر تمشي بي وبيك
ماتفوتنيش انا وحدي افضل احايل بيك
ماتخليش الدنيا تلعب بيا و بيك
خلي شوية علي وشوية عليك
الليل الليل الليل الليل
اليل بدموعه قاسي ياويلي من سعاته
والصبر لسه ساكت وياويلي من سكاته
توعدني بفرحتي واستنى بضحكتي
زى الوردة ماتبقى مستنية الندى
و تغيب وتفتكر وتجيني وتعتزر
فين القلب الي يقدر يستحمل كل ده
وارجع تاني اقول لك ريحني الله يخليك
عشان المركب تقدر تمشي بي وبيك
ماتفوتنيش انا وحدي افضل احايل بيك
ماتخليش الدنيا تلعب بيا و بيك
خلي شوية علي وشوية عليك
لا يوجد تعليقات حالياً