ألا ليلي اللي نمت به ليتني ساريه
ولا شفت حلمٍ موجعٍ لا تذكرته

ألا ليتني بالرجل ساري بلا توجيه
ولا ريت خلي في منامي وواجهته

دعيته وقال بمبسم موردٍ لبيه
جميلٍ يجاملني يامزين مجاملته

وشلال ليلٍ منهمر من على متنيه
إلى فرقته بكفها خلت بارقته

وشفت العيون اللي صحيح البدن ترميه
وساعٍ كحيله ماكحلها بمكحلته

وجسم دقيقٍ ممتلي من على ردفيه
وخصرٍ نحيلٍ مابعد شفت شاكلته

وصدرٍ بدالي بارزٍ ناجحٍ مافيه
وجسمٍ تمايل غصن موزٍ مميلته

ألى من وقف كنه كسيرٍ حدا ساقيه
وإلى من مشى ضبي الفلا داج في خبته

إلى منه سولف همت في السالفه واتيه
وكني ملك وأعيش في وسط مملكته

إلى اقبل علي كن الهوا والغلا داعيه
وإلى اقفى بديت احسب ثواني مفارقته

محبته همٍ تاخذ العقل نعنابيه
ولا لوم قيسٍ يوم ليلى مخبلته

احبه واحب ام اولدت به واحب ابيه
ومن لايوده والله اني ما قدرته

مدومته جا في الحلم يلزم علي اجيه
عسى الله يحقق حلمي اللي تحلمته