like-empty

كلمات

klmat.com

sun

للدمعة طيب

للطيب دمعه والردى ضحكة حجاج
ونفسك قبل لا تلوم الأيام لمها
لو المراجل طالها كل هراج
رخصت فعايلها وقلت شيمها

الجهل غدراء ليل والحكمة سراج
والخلق شاره والمنايا سهمها
والضيق سجن البال والسجة إفراج
وأن ضامتك خطو المقاريد ضمها

لو الرجال تقاس بالبشت والتاج
ما نفرق شيوخ العرب من خدمها
ناسٍ لزوم وجودها بين الأفواج
وناسٍ يساوى بالتواجد عدمها

وقت يهيج ويصطفق مثل الأمواج
نبني الأماني والظنون تهدمها
من جرب الحاجة عذر كل محتاج
ناسٍ عطاها الله وناسٍ حرمها

ماعاد يمدي والحكي دونه سياج
لكن تهجاء كلمتي وأفتهمها
أما تجي بحراج وتروح بحراج
وألا تثمن جيتك وتحشمها

لو الرجال تقاس بالبشت والتاج
ما نفرق شيوخ العرب من خدمها
ناسٍ لزوم وجودها بين الأفواج
وناسٍ يساوى بالتواجد عدمها
like-empty