like-empty

كلمات

klmat.com

sun

لسه في امل

لسه للأحلام بقية مكملينها
طول ما في احساس قلوبنا مصدقينه

لسه في الأيام أمل مستنينه
طول ما في قدامنا سكة يتمشيلها
واما تنزل دمعة لاقين ناس تشيلها
طول ما لسه العمر بيصالح سنينه

طول ما لسه في ناس بنتدفى بحنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل في عشاق سهرانينه

لو في اوقات عدوا بخسارة علينا
لو في ناس حوالينا بسببها اتأذينا
لو في لمحة حزن متشافة ف عنينا
باللي بينا كل دا مستحملينه

لسه في الايام امل مستنينه
طول ما اسمك كل يوم بنطق حروفه
وطول ما بكره مسيري على حسك هشوفه
طول ما انا طريقي عنيك منورينه

طول ما لسه في ناس بنتدفى بحنانها
والحاجات الحلوة واخدين بالنا منها
وحكايات الحب لسه بنقرا عنها
طول ما لسه الليل في عشاق سهرانينه
like-empty