لا شتتكي – محمد عبده

لا تشتكي همك .. لغيرك من الناس
ماعاد به في الناس .. من تشتكي له
ورجلٍ .. من أفعاله تحطه على الراس
وان ضاقت الدنيا .. يشيل الثقيله

ورجلٍ تحسبه .. تاج عزٍ .. ونوماس
ولا صكت الصكات .. يطفى فتيله
ورجلٍ .. طليق احجاج .. طيبه على ساس
بحماه .. ماتشكي من الوقت ميله

ورجلٍ .. تحسبه من ذهب .. واثره انحاس
عند اللوازم .. ينكسر ساق خيله
ورجل .. على الفزعات .. من دون مقياس
يجلي غبار الوقت .. لا سال سيله

ورجلٍ .. تحسبه في الهدد طير قرناس
ويصير بوم .. ويلحقك بالفشيله
ورجلٍ .. خويه لو شكى الضيم والباس
مايهتني .. في صبح .. يومه وليله

يقدم كما يقدم .. على السطو هرماس
النادر بطبعه .. ونادر .. بجيله
له في سنام العز .. موضع ومجلاس
ودايم وله بالعز .. راس الطويله