وش تنشدينـي عنْه من ماضي قديم و ذكريات
لا تنشدينـي توني يا معشر أحلامي بديت
كنّـي سنين الله عن صحـوة غرامك فـي سبات
وشلون اسولف لك عن ايامي وانا توّي صحيت

عمري سنه و الأربع وعشرين عام الضايعات
طاحت على بابك ولو مايدك فكتّه انتهيت
شفت الحياة بشوفتك ما عاد فالدّعوه مماات
انّي من هذاك القبر يالجبر اكتفيت
(عزّ الله)

استاذنك نبغا سوالفنـا متاع و مغريات
لو عاد بـ اذكر شي من ما عشته بدونك بكي

ما فاتك الا برد زعزعني وانا أزيّف ثبات
لاتنشديني عن ملول الليل ما اصدّق نسيت

ما فاتك الا وقـت خلا عظمـي القاسـي فتات
لولاك كان نْثِـرته هبـوب الصواديف و هويت
ما فاتك الا بعثرة فكر وبقايا امنيات
لولاك كان اغلب قصيدي لا يزَل علّ و يا ليت

ما فاتك الا قلب من جور السنين اصبح رُفات
لولاك كان القبر ضمّه لا هوى ولاهويت
ما فاتك ك الا معركه ما بين عقلـي والشـتات
لولاك عمري ما بدا توّه بدا يوم انت جيت