آه ياعمري وياويلي عليك
لو ثمنك ب ماء عيوني بشتريك
كيف تسأليني ابيك او ما ابيك
ايه احبك واعشقك واموت فيك

لاتشكك في غلاك وفي وفاي
شوفني خليت هالدنيا وراي
ما ابي غيرك ولا غيرك مناي
الحياه اللي ابيها في يديك

في عيونك سحر وف ثغرك رحيق
وفي ضميري لك من اللهفه حريق
لو تخليني وانا نصف الطريق
راح كل العمر فالدرب احتريك

مستحيل اقبل بغيرك مستحيل
جل من سواك يالوجه الجميل
انت مامثلك بخلق الله مثيل
ولا بديل ولا شبيه ولا شريك

من غلاك ومن هواك ومن حلاك
ودي اقضي عمري الباقي معاك
لو طريقك موحش وجمر وهلاك
ودي امشي فالطريق اللي يجيك

ادري انك وافي سر وجهار
وادري انك واضح وضح النهار
بس قلبي لاتلومه لو يغار
غيرتي من حرصي وخوفي عليك

لاتعذر ياحبيبي بالظروف
ولايردك من لقا الأحباب خوف
ولاتخلي فرصة اللقيا تطوف
لآخر انفاسي على الوعد احتريك
ما ابي غيرك ابد انت مامثلك احد
لو تبي روحي بعد روحي ماتغلى عليك