كم قلم – عادل خميس

كم قلم له جف من السردي .. في وزون الشعر وبحوره

مشكله لى صار ما يجدي .. الشعر في وصف له صوره

له جمال ٍ واحد ٍ فردي .. في حلاته رمز واسطوره

صافي ٍ وصفه من الشهدي .. من سفر نور الضحى نوره

الشعر لا طاح منهدي .. كّنّه ليلي داعب خصوره

ريحته كالورد المندي .. يسكرك من نفحة عطوره

له عيان ٍ سحرها تردي بالموت ياكبر الخطوره

ما يجاريه بالترف ندي .. هو وحيد الحور في بحوره

الحشى يصّلى به الوجدي .. في هواه النفس مأسوره

ما يقاوم حسنه الوردي .. من غدا في أمره وشوره

ماوعيت إلا وانا مجدي .. قوتي والشده مكسوره

شوفته تنهي بي العهدي .. إحتضار الروح بحضوره

0