قلبي جبرني – ياسر عبدالوهاب

خلف الله اعلى گلبي .ميخليني اعوفك
ويوم الما اشوفك .. يهد حيلي ويذلني
عيوب الدنيا كلها.. بيك واني قابل
اعرف متستاهل بس .. گلبي جبرني
منك حبيبي ايست …ومليت من اسلوبك
احساسي وياك اختلف ..كأني مو محبوبك
ما اعتقد ممكن تجي ….لحظة وترجع شوگي
شفت الاهمال شگد گدر يبعدنا يا معشوگي
ماكوو داعي نحچي …ع الظيم الي شفته
همي بگلبي شلته .. متعذب اهوايه
بعد ما اريد ابچي …. يل ميت احساسك
اشلعك من اساسك … ولا هالعيشه هايه

چنت اتذلني واني .. الزم نفسي گوه
وگلبي يگلي فدوه .. واسكت مااا ازعلك
ردتك تحمد الله .. وتقدر عذابي
يلي اتحب غيابي .. تبعتك مثل ضلك
بس انت سويت العكس…ماقدرت معروفي
ما امنتني من خفت …صرت انت مصدر خوفي
ما ردت منك تضحيه …. ولا ثمن لجروحي
ردتك تنسيني القهر … بس انت زدته بروحي
خلف الله عليه … متمسك بحبك
وصابر على قلبك .. ابد ما گلت كلمه
واعرف بيك مو گد .. هالحب والمحنه
گلبي عاش محنه .. وبالك ولا يمه