يطول الحكي واقول قسّم وسمّعني
سواليف تطربني تعبت استمع للوم
لك سنين وانت تعيد حكيك ويوجعني
وجع يوجع ابليسك ترانا عيال اليوم

عش الجوّ واستمتع بوقتك ومتّعني
بشوفتك مستانس وهمّك هو المهموم
ابي نظراتك وانت بسعاده تطالعني
تنسّيني انّي عشت من دونها محروم


عشان ايش دايم بالتشرّه ترجّعني
لغلطات عادية .. ماحد منها معصوم
تبي تثبت انك ما قد اخطيت ابد يعني
وانا دوم اعذرك وانت عذرك مهو مفهوم

خذ العلم من راعيه تكفى وطاوعني
ترى لو فقلبي نيه خصام .. كان علوم
تسر العدو .. لاهنت روق وسمّعني
سواليف تطربني تعبت استمع للوم