قدر قدر واللّي بقى من أمس ماضينا صُور
ودمعات عينٍ كِل ما هلّت بجِفني حارِقه
ناسٍ تروح بْـ هالزِّمن.. لكن تترِك بِك أثر
تعيشها في كِل غروب وكِل شمسٍ شارِقه
تِبقى معاك بداخِلِك طال الزِّمن ولّا قِصرْ
لو يختفي طول العمر ما كنِّك إنته مفارِقه
ذِكراه تبْقى في جِدار القَلب نَقْشٌ في حجر
ودمعات عينٌ من حنين الشّوق وجْلا غارِقه

آحِن يا أغلا النّاس ودموعي من الفرقا مِطر
وأحزان قلبي تمْتِلي والضِّحك حدٍ سارِقه
طال السُّواد بدِنيتي وأنا أنتِظر فزّة فجِر
ملْ السُّواد من الصّبر وأنوار خدِّك شارِقه

روضـة غلاك بذاخِلي الشّوق ندّى عَـ الزّهر
وأنا آتنفّس من عِطر وردِك وروحي عاشِقه
آقولها من خاطِري وين إنتْ يا حِص البحر
يا أغلا ثلاث حروف تمّت في خيالي عالِقه

أجلِس مع طيفك وأنا أنسِجلِه قِصايد من شِعر
وأحاول أوصل للعقول العالِيه والذّائقه
لن القِصايد فيك تِشبه نِسمِةٍ وقت العصر
ياللّي بهوى الإحساس والأشواق تسمو شاهِقه
شوقٍ بروض القلب يا حُبٍ بِقلبي إستَقر
قلبي سماءٌ وأنتَ فيهِ كَـ النجوم الطّارِقه
يا واحِدٍ يآمر ويآمِرني وأنا تحت الأمِر
أحيا بحبّه لين روحي هالزِّمان تفارِقه