قالوا لي العذال – عزازي

قالوا لي العذال خله وترتاح

قلت البلا قلبي نهيته وعيّا

ماطاوع في خلّي نصايح ونصّاح

والعذل منكم لي تأخّر شويّا

لو كان قلبي في هوا الزين ماطاح

كان أبتعد هالحيّن ماهو بيديّا

غروٍ ذبحني فارع الطول مزّاح

هو غايتي لامن حبيبي تهيّا

العنق عنق الريم والخد وضّاح

يطوي قرونه فوق الأمتان طيّا

العين سودا وسطها سيف ذبّاح

والوجه يضوي مثل نجم الثريّا

عليه من زين الملا رمز وشاح

في عود تلويه النسانيس ليّا

ألحان: عزازي