قابل بقى – إبراهيم الحكمي

متاخدش ع البدايات واستبصر الاخر
ياما اتبسطنا ساعات وندمنا ف الاخر
لو بالكلام يا سلام الكل ذوق وتمام
العبره بالايام بتجيب من الاخر

وانا كنت بقول علی انصافك دول اسوأ ناس
اتاريهم جنبك ولا حاجه انت الاستاذ
من امتی بتمدحلي ف نفسك وانا اقول الله
معرفش انك افضی عباده ولا ليك انجاز

طب قابل بقی ومتتخضش
انت ابن حلال اوي تستاهل
ضحك الاول مش بيطول
بس اللي بيضحك ف الاخر

عمال تحكيلي علی مبادءك وتقول اساطير
تقولش ملاك بس ناقصلك جناحين وتطير
جايز تخفي حقيقتك فتره عن كل الناس
لكن وحياتك ما هتقدر تخفيها كتير

كلمات: مؤمن سالم

ألحان: جمال ياسين

إنتاج: ArabicaTV

2018