في الركن البعيد الهادي

وفي نفس المكان في النادي

أنا قاعدة مستنية

أجمل حبيب في عنيا

والشوق زرع حواليا

شجرة هنا مندية

وفاتت دقيقة وفاتت دقايق

وفاتت ورارها دقايق تضايق

وفين أنت فين يا بحر الحنان

وفين أنت فين يا بر الامان

يا خوفي لاتنسى معادي

في الركن البعيد الهادي

الثلج داب داب

في كاس الليمون بقاله ساعات

وفتح لي باب

لهمس العيون وضحك البنات

والشمس غابت واحنا في عز النهار

واللهفة دابت من حرارة النتظار

وروحوا القاعدين

وقعدوا ناس تانين


وفين أنت فين يا بحر الحنان

وفين أنت فين يا بر الامان

يا خوفي لاتنسى معادي

في الركن البعيد الهادي

استنى تاني استنى ليه ليه

استنى تاني ولا إيه ؟

لا برضو أسأل أحسن ده يزعل

وأنا زعلو ما أقدرش عليه

طلبته .. عاتبته

قالي أهلا يا حياتي

وفي وسط موجة غضب

رمالي نجمة وطوق

وبكل رقة وأدب

وبشوق ما بعده شوق

قال لي انهارده ايه

قلت النهارده السبت

من خجلي دبت وتبت

مالقيتش عندي رد

ميعادنا كان الحد

في الركن البعيد الهادي

وفي نفس المكان في النادي