فوق الزوالي الحمر – طاهر الأحسائي
فوق الزوالي الحمر مع الترف مرتاح
زالت هموم القلب وارتاح بالي
مع صاحبٍ بالوصل ماهوب شحاح
سيد البشر والحور حسين الدلالي
ابو ثمانٍ مثل برقٍ إلا لاح
كن البدر في غرته باشتعالي
في شوفة الغالي ترى القلب ينزاح
تسعد عيوني بشوفتي للجمالي
اكسب بشوفه راس مالي والأرباح
يرتاح بالي يوم الاقي حلالي
ليت الحمامه تنقل الورد بجناح
تلقيه في بيتٍ سكن فيه غالي
سره في وسط القلب مانيب بواح
له صورةٍ بالعين طول الليالي
ازكى التحيه كل عصرٍ والاصباح
للصاحب اللي لا بغيته عنالي
قال بن يوسف – طاهر الأحسائي