فاكرني يا حب – عمرو دياب

اهو دا اللي كنت خايف منه
وعمر الخوف ما يرد قدر
عفريت الحب عليا حضر
وده قلبته سم وياما غدر
تاجر غشيم وتجارته قمار
يابتكسب دوبل يا تروح هدر

فاكرني ياحب؟
انا زبونك الصقع المضمون
كان قلبي هنا عندك مرهون
وادتني من الصنف المجنون
ابو العقد واللذي منه
فاكرني يا حب؟
ايوه اللي غفلته عليك نور
ورجعت لك بعدها مقهور
وخدت غيره وبعد شهور
طلع اللي بعده اسخم منه
اكرمني يا حب المره دي
متشدش من رف الماضي
ما تحطليش فوق جرحي حجر

بتخم ياحب!
اولها كله بيبقى تمام
بس العيوب بتبان قدام
فجأة كده بتحصل قفله
دي عيوب صناعة مش استخدام
بتخم يا حب!
على العموم غلطة وتتداوى
ده جر خيره مش جر عداوه
انا ععايز احب اغطس وقب
واطلع بقى بحاجة نقاوة
اكرمني يا حب وحياة ابوك
وهجيب صحابي ينفعوك
وفوق وخلي عندك نظر

عفريت الحب عليا حضر
وده قلبيته سم وياما غدر
تاجر غشيم وتجارته قمار
يابتكسب دوبل يا تروح هدر

0

كلمات: صابر كمال

ألحان: وليد سعد

إنتاج: Nay

2020